ತನಿಖಾ ಸಮಿತಿಯ ಮುಖ್ಯ ಉದ್ದೇಶಗಳು (Official Proceedings)
ಸಮಿತಿಯ ಅಧಿಕೃತ ಅಧಿನಿಯಮದ ಪ್ರಕಾರ, ನಾಡಿನ ನೈಸರ್ಗಿಕ ಹಾಗೂ ಸಾರ್ವಜನಿಕ ಸಂಪತ್ತಿನ ರಕ್ಷಣೆಗಾಗಿ ಈ ಕೆಳಗಿನ ಕಾರ್ಯಸೂಚಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಲಾಗುತ್ತದೆ:
1. ಭೂ ಹಗರಣಗಳ ತನಿಖೆ & ತಡೆಗಟ್ಟುವಿಕೆ
ಕರ್ನಾಟಕ ರಾಜ್ಯದಲ್ಲಿ ನಡೆಯುವ ಅಕ್ರಮ ಭೂ ಕಬಳಿಕೆ, ನಕಲಿ ದಾಖಲೆ ಸೃಷ್ಟಿ ಹಾಗೂ ಭೂ ಹಗರಣಗಳನ್ನು ಸಮಗ್ರವಾಗಿ ತನಿಖೆ ಮಾಡಿ ಅಕ್ರಮ ಭೂ ವಹಿವಾಟುಗಳನ್ನು ಸಂಪೂರ್ಣವಾಗಿ ತಡೆಗಟ್ಟುವುದು.
2. ನೈಸರ್ಗಿಕ ಸಂಪನ್ಮೂಲಗಳ ಸಂರಕ್ಷಣೆ
ಭೂಮಿಯ ಸಂಪನ್ಮೂಲಗಳಾದ ಮಣ್ಣು, ನೀರು, ಬೆಟ್ಟ-ಗುಡ್ಡಗಳು ಮತ್ತು ನೈಸರ್ಗಿಕ ಖನಿಜ ಸಂಪತ್ತನ್ನು ಸಂರಕ್ಷಿಸುವುದು. ವ್ಯರ್ಥವಾಗುವುದನ್ನು ತಡೆಗಟ್ಟಿ, ಖನಿಜಗಳು ಮುಂದೂ ಬಳಕೆಯಾಗುವಂತೆ ಹಿತಮಿತವಾಗಿ ಬಳಸುವಂತೆ ಕಾವಲು ಕಾಯುವುದು.
3. ಜಲ, ನದಿ & ಕೆರೆಗಳ ಮಾಲಿನ್ಯ ನಿಯಂತ್ರಣ
ನದಿಗಳು, ಹಳ್ಳಗಳು ಮತ್ತು ಕೆರೆ-ಕಟ್ಟೆಗಳ ಒತ್ತುವರಿ ತಡೆಯುವುದು, ಪರಿಸರ ಮಾಲಿನ್ಯ ತಡೆಗಟ್ಟುವ ಕಾರ್ಯಕ್ರಮಗಳನ್ನು ಆಯೋಜಿಸುವುದು ಹಾಗೂ ಜಲಮೂಲಗಳನ್ನು ಸಂರಕ್ಷಿಸುವುದು.
4. ಬೆನಾಮಿ ಆಸ್ತಿಗಳ ತನಿಖೆ & ಪರಿಹಾರ
ಪ್ರಭಾವಿಗಳು ಅಥವಾ ಅಧಿಕಾರಿಗಳು ಕಾನೂನುಬಾಹಿರವಾಗಿ ಹೊಂದಿರುವ ಬೆನಾಮಿ ಆಸ್ತಿಗಳನ್ನು ಪತ್ತೆಹಚ್ಚಿ, ಸರ್ಕಾರಕ್ಕೆ ಸಲ್ಲಬೇಕಾದ ಆದಾಯದ ನಷ್ಟವನ್ನು ತಪ್ಪಿಸಿ ನ್ಯಾಯಯುತ ಹಂಚಿಕೆಗೆ ನೆರವಾಗುವುದು.
5. ರೈತರ ಫಲವತ್ತಾದ ಜಮೀನು ರಕ್ಷಣೆ
ರೈತರ ಪೂರ್ವಜರ ಕೃಷಿ ಭೂಮಿಗೆ ರಕ್ಷಣೆ ನೀಡುವುದು ಮತ್ತು ಕೃಷಿ ಭೂಮಿಯನ್ನು ಯಾವುದೇ ಕಾರಣಕ್ಕೂ ಅಕ್ರಮವಾಗಿ ಕೃಷಿಯೇತರ (Non-agricultural) ಉದ್ದೇಶಗಳಿಗೆ ಬಳಕೆಯಾಗದಂತೆ ಕ್ರಮವಹಿಸುವುದು.
6. ಅಕ್ರಮ ಮರಳು ಗಣಿಗಾರಿಕೆ ತಡೆ
ಅಕ್ರಮ ಮರಳು ದಂಧೆ, ಕಲ್ಲು ಗಣಿಗಾರಿಕೆ, ಇಟ್ಟಿಗೆ ಮತ್ತು ಕ್ರಷರ್ ಉದ್ಯಮಗಳಿಂದ ಸರ್ಕಾರಿ ಬೊಕ್ಕಸಕ್ಕೆ ಉಂಟಾಗುವ ನೂರಾರು ಕೋಟಿ ರೂಪಾಯಿಗಳ ನಷ್ಟವನ್ನು ತಡೆಗಟ್ಟುವುದು.
ಸಂವಿಧಾನಬದ್ಧ ಕರ್ತವ್ಯ ಮತ್ತು ಶಿಸ್ತು:
1. ನಾಡಿನ ಭೂ ಸಂಪತ್ತು, ಅರಣ್ಯ, ವನ್ಯಜೀವಿ ಹಾಗೂ ನದಿಗಳು ಸೇರಿದಂತೆ ಪರಿಸರ ಸಂರಕ್ಷಣೆ ಮಾಡುವುದು ಪ್ರತಿಯೊಬ್ಬ ಭಾರತೀಯನ ಸಂವಿಧಾನಬದ್ಧ ಮೂಲಭೂತ ಕರ್ತವ್ಯವಾಗಿದೆ.
2. ಸಾರ್ವಜನಿಕರ ಆಸ್ತಿಪಾಸ್ತಿಗಳನ್ನು ಕಡ್ಡಾಯವಾಗಿ ರಕ್ಷಣೆ ಮಾಡಬೇಕು ಹಾಗೂ ಯಾವುದೇ ಕಾರಣಕ್ಕೂ ಹಿಂಸಾಚಾರವನ್ನು ತ್ಯಜಿಸಬೇಕು.
3. ಕಾಲಕಾಲಕ್ಕೆ ಸರ್ಕಾರ ಹೊರಡಿಸುವ ಅಧಿಕೃತ ಆದೇಶಗಳನ್ನು ಪರಾಮರ್ಶಿಸಿ, ಸಾರ್ವಜನಿಕರ ಹಿತದೃಷ್ಟಿಯಿಂದ ಕಾನೂನು ಚೌಕಟ್ಟಿನಲ್ಲಿ ತನಿಖೆ ಕೈಗೊಳ್ಳಲಾಗುತ್ತದೆ.